ඉස්සර වගෙ නොවෙයි දැන්නම් අද කාලේ
පිරිහී නැසී යනවා මනු ගුණ රාලේ
ලං ලං වෙන්නෙ මිනිසුන් පිරිහෙන කාලේ
දැහැමින් ගෙවමු ජීවත් වන ටික කාලේ
දින සති ගෙවී යන හැම මොහොතක් ගානේ
ටික ටික ලං වේවි නිති මරණය මාගේ
සසෙර ඇවිද තව යනු බෑ මේ වාගේ
එහෙනම් ඉතින් අවුලා වනසමු රාගේ
මේ භවයේම නිති සීලය රැක ගන්න
දුක නසනාවු අරි අට මගෙහිම යන්න
කිසිවිට ඔබත් කුසලට නොපමා වෙන්න
පව්කම් දුරලලා අම නිවනට එන්න
No comments:
Post a Comment