අවසර දෙනු මැනවි

සංසාරේ ඇවිද ආපූ දුර බොහොමයි                    අම්මේ
මව්පියවරු දහස් ගණන් හමු වී ඇත                   අම්මේ
මව්පියනගේ සිහින පොකුරු ඉටුකරමින්           අම්මේ
සසරෙහි විදි දුක් බොහොමයි සැපතක් නැත      අම්මේ

දියකුස උගතකු කරන්න විදි දුක් නුඹ                අම්මේ
මා හොදහැටි දන්න නිසයි පවසන්නේ             අම්මේ
මේ විලසට සසරෙහි බැමි බැද ගනිමින්            අම්මේ
කොතරම් දුක විදින්නේ වෙද මතු  සසරෙදි      අම්මේ

දසතම බැලුවත් මිනිසුන් විදිනවා දුක්                අම්මේ
දියතෙහි ඇති සැපය කිමද වැටහෙයි මට          අම්මේ
පෙර පිනකට බුදු සසුනත් හමුවී ඇත                 අම්මේ
ගිහිගෙය හැරදා යන්නට අවසර මගෙ              අම්මේ